Un animal es un èsser viu que comunament se destria per lo fach d'èstre dotat de sensibilitat e de movement volontari (per oposicion a la planta o als campairòls). Mai formalament, un animal (e lo règne animalia) es un èsser organic eucariòta pluricellular e eteròtrof estretament aparentat amb los campairòls e las plantas, qu'apertenon al règne denomenat animalia.

 

Encara que siá pas cap una caracteristica qu'agrope totes los animals, es lo sol tipe d'èsser viu qu'aja desvolopat lo movement e lo desplaçament corporal.

 

Dins lo lengatge corrent, s'utiliza animal per se referir a totes los animals, exceptat los umans ; mas cal pas doblidar que d'un punt de vista scientific, l'èsser uman es una espècia del règne animalia. La causa es que s'assumís, que l'òme es l'unic animal racional, o dotat de rason.

 

La zoologia es la sciéncia qu'estúdia los animals.

Los vertebrats fòrman un sosembrancament del règne animal.

 

• Los Reptils son los animals de la classa Reptilia. Son caracterizats per alenar d'aire, pondre d'uòus, e aver la pèl cobèrta d'escatas.

 

• Los anfibians son una classa de vertebrats. Las seunas caracteristicas principalas son una pèl rica en glandolas  que permet una respiracion cutanèa, e la metamorfosi qu'experimentan en passar de la fasa larvària la fasa adulta.

 

• Lo peis es un animal vertebrat aqüatic, qu'alena pel mejan de branquias, a de nadarèlas e a sovent la pèl recobèrta d'escatas.

 

• Los aucèls son d'animals vertebrats, tetrapòdes, bipèdes, de sang caud, de doas alas, amb de plumas, un bèc, e que pondon d'uòus.

 

• Los mamifèrs son d'animals vertebrats qu'alachan sos pichons.